Rêxistina UNESCO, bi boneya nêzîkbûna salvegera pêncemîn a hatina ser desthilatdariyê ya Talîbanê li Efxanistanê, raporeke berfireh û daxuyaniyeke hişyarkirinê belav kir. Li gorî daneyên fermî yên rêxistinê, piştî biryarên tund ên rêveberiya Talîbanê, deriyên dibistanên amadehî û zanîngehan bi temamî li ser keç û jinan hatine girtin. Ev qedexe niha bandorê li ser jiyana 2 mîlyon û 400 hezar xwendekarên mêvî dike.
UNESCO di raporê de balê dikişîne ku Efxanistan di asta cîhanê de yekem welat e ku tê de xwendina keçan bi fermî hatiye qedexekirin. Rêveberên rêxistinê hişyarî didin ku ev biryar ne tenê zirarê dide mafên mirovan, lê di heman demê de aborî û pergala tenduristiyê ya welat jî ber bi hilweşînê ve dibe, ji ber ku di paşerojê de dê bijîşk, mamoste û pisporên jin çênebin.
Di dawiya raporê de, UNESCO bang li civaka navneteweyî û rêxistinên mafên mirovan dike ku zextên xwe yên li ser Talîbanê zêde bikin da ku ev biryara hov bête betalkirin û mafê xwendinê bi temamî ji bo jinên Efxan bête vegerandin.
