Navenda Ragihandinê ya Hêzên Sûriya Demokratîk (QSD) ragihand ku duh komên çekdar ên girêdayî Hikûmeta Veguhêz a Sûriyê ji nuqteyên xwe yên li derdora bajarê Minbicê , Girê Syriatel û derdora Bendava Tişrînê bi topên giran topbaran kirin.
Li Dêrazorê di êrîşa çekdarên hikûmeta veguhêz de şervanekî QSD şehîd bû
Her wiha Ragihandina QSD´ê bi daxuyaniyekê din da xuyakirin ku komên çekdar ên Hikûmeta Veguhêz bi dronekê, êrîşî nuqteyeke wan a li gundê Merat ê herêma Heft Gundan a gundewarê rojhilatê Dêrazorê pêk anî.
Di encamê de, şervanekî QSDˊê şehîd bû û 9 jî birîndar bûn.
SOHR: Li Sûriyê di 9´ê cotmehê de 14 kes jiyana xwe ji dest dan
Ji aliyê din ve Navenda Çavdêriya Mafên Mirovan a Sûriyê (SOHR) eşkere kir ku di 9´ê cotmehê de, li deverên cuda yê Sûriyeyê 14 kes jiyana xwe ji dest dane.