Hat diyarkirin ku Ayhan Bayar li Girtîgeha Hejmar 1 a Tîpa T a Rihayê dihat ragirtin û cezayê wî yê 30 salan bû, lê tehliyeya wî ji bo salek û 6 mehan hat taloqkirin.
Hat ragihandin ku îro Ayhan Bayar ji girtîgehê hate berdan û li pêşiya girtîgehê hat pêşwazîkirin.
Wekîlên DEM Partiyê jî di pêşwazîkirinê de cih girtin û beşdaran dirûşma "Bijî berxwedana zindanan" berz kir.
Bayar da zanîn ku heta ku Rêbertî û hevalên wan azad bibin ew ê têkoşînê bidomînin û got: "Em lêgerînvanên heqîqetê ne. Ev lêgerîna me dê heta dawiyê bidome.”
Piştî pêşwazîkirinê, Bayar tevî malbata xwe ber bi Silopiya ya Şirnexê ve bi rê ket.
Her wiha 6 Girtiyên siyasî yên ku li Girtîgeha Girtî ya Ewlehiya Bilind a Tîpa F ya Boluyê piştî 30 salî hatin berdan.
