Bi dirûşmeya “Newroza Azadî û Yekîtiya Demokratîk” li qada Yenîkapi ya navçeya Fatîh a Stenbolê, pîrozbahiyên Newroza 2026'an hatine lidarxistin.
Her wiha şahiya Newrozê piştî stranên Koma Amed bi coşeke mezin bi dawî bûn.
Bi bidawîbûna pîrozbahiyê re, girse bi meş û berzkirina dirûşmeyan ji qada Newrozê derket.
Girseyê di derketina qada Yenîkapiyê de, ji aliyê polîsan ve hat dorpêçkirin.
Gelek wesayîtên binçavkirinê jî di heman demê de derbasî cihê dorpêçê bûn.
Polîsan girse belav kir û rojnamevanên ku dîmen dikişandin, asteng kirin.
Gelek kesên ku polîsan ew dorpêç kiribûn, hatine binçavkirin.
Di der barê nav û hejmara binçavkiriyan de tu agahî nehatine bidestxistin.
Hêjayî bîrxistinê ye, ku her sal piştî şahiya Newrozê gel ji aliyê polîsan ve têne binçav kirin û asteng kirin.
