Di daxuyaniyekê de, Wezareta Parastinê ya Rûsyayê eşkere kir ku di şeva borî de, pergalên parastina hewayî 251 dronên Ûkraynayê têk birin.
Moskova du hefte berê rastî êrîşeke mezin a dronên Ûkraynayê hatibû.
Hêzên Rûsî du bajarên nû kontrol kirin
Wezaretê da xuyakirin ku roja yekşem û duşemê, hêzên wan her du bajarokên Kuzminovka û Otradnoye li Donetsk û Xarkîvê kontrol kirine.
Wezareta Parastinê ya Rûsyayê eşker kir ku hêzên Ûkraynayê li her du eniyan 290 leşker û hejmarek alavên leşkerî winda kirine. Her wiha stasyoneke şerê elektronîk, du depoyên cebilxaneyê û 5 depoyên lojîstîkê jî hatin wêrankirin.