Ev dîmenên şeva derbasbûyî li Ûkraynayê ye.
Ev zerera çêbûye jî Rûsya bi dron û mûşekan pê ve rabûye.
Hêzên Rûsî bi 4 bombeyan bajarê Zaporizhzhia yê başûrê rojhilatê Ûkraynayê bombebaran kirin.
Tîmên rizgarkirinê hewil didin sivîlan ji bin kavilan derxin
Bombe li avahiyek bilind a sivîlan ket.
Herî kêm 3 kes hatin kuştin û 35 kesên din, di nav de 6 zarok birîndar kirin.
Her wiha tîmên rizgarkirinê hewl didin kesekî ji nav kavilan derxînin.
Lê di dawiyê de mirin zora tîmên rizgarkirinê dibe û di dawiyê de ew kes dimre.
Robert: Me 7 keştiyên Rûsî hedef girtin
Ûkrayna îro jî li hember van êrîşan bê deng nema û êrîş birin keştiyên Rûsyayê.
Fermandarê hêzên dronan ên Ûkraynayê Robert Provdy got ku dronên wan bi şev li Deryaya Reş û Deryaya Azovê 7 keştîyên Rûsî hedef girtin.
Wî bi rêya Telegramê diyar kir ku di hedefan de 3 tanker û 4 keştîyên barhilgir hebûn.
Bi vî awayî hejmara giştî ya keştîyên ku di Tîrmehê de hatine hedefgirtin gihîştiye 183an.
Robert her wiha bal kişand ser hedefgirtina heft îstasyonên elektrîkê li Nîvgirava Kirimê ya ku ji hêla Rûsyayê ve hatiye dagirkirin.
Rûsyayê êrîşeke "mezin" a Ûkraynayê pûç kir
Di heman demê de rayedarên Rûsî îro ragihandin ku wan di şevê de bi karanîna zêdetirî 400 dronan êrîşeke berfireh a Ûkraynayê ku herêma Moskowê hedef girtibû, têk birine.
Her wiha piştrast kirin ku berevaniya asmanî piraniya wan berî ku bigihîjin paytextê asteng kirine.
Hat eşkerekirin ku hêzên parastina asmanî piraniya dronan bêbandor kirin dema ku ew hîn ji bajêr dûr bûn, 85 dron jî dema ku nêzîkî Moskowê bûn hatin xistin.
