Ji dema hatina Hikûmeta Veguhêz a Sûriyê ve, rewşa gelê Sûriyê ji aliyê Aborî ve, her ku diçe, xirabtir dibe.
Sotemenî biha ye, ajokar û gel ji vê yekê bigazinc in.
Ji ber nebûna mazotê, ajokar kirê biha dikin û ev yek bandorê li welatî û xwendekaran dike.
Berî niha, kirêya ji Hesekê heta Qamişloyê bi 15 hezarî bû, lê niha bûye 25 hezar.
Ajokar her lîtreyeke mazotê bi 13 hezar û 200 lîreyan dikirin.
Bilindbûna bihayê mazotê bandor li gel, xwendekar û ajokaran dike û ew jî daxwaz dikin ku çareseriyek ji vê pirsgirêkê re were danîn.
Ajokarên Hesekê: Em hêvîdar in çareseriyek ji mazotê re were ditîn
Ajokaran jî bang li aliyên peywendîdar kir ku çareseriyekê ji mazotê re bibînin û wiha lê zêde kirin:
“Ji ber nebûna mazotê, kirê biha dibe û ev yek bandorê li welatiyan dike.”
Bihayê mazota bazara serbest ji 55 sentan derket 75 sentan.
Lê mazota xizmetguzariyê (jenerator û nangehên giştî) ya Rêveberiya Xweser wekî xwe maye ku lîtreya wê bi 125 lîreyê Sûrî ye.
Li herêmên di bin kontrola Hikûmeta Veguhêz a Sûriyê de bihayê mazotê bi 88 sentên Amerîkî ye.
Li gorî ku hatiye ragihandin, Hikûmeta Veguhêz a Sûriyê dixwaze bihayê mazotê li tevahiya Sûriyê û herêmê bike 88 sent.
Li hin benzînxaneyên herêmê jî mazot bi 88 sentan tê firotin û hinek jî bi 55 sentan tê firotin.
