81`emîn civîna Civata Giştî ya Neteweyên Yekbûyî ku wekî yek ji civînên dîplomatîk ên herî girîng ên cîhanê ye îro dest pê kir.
Civîn bi beşdariya 193 welatên endam li navenda NY li New Yorkê hat li darxistin.
Sekreterê Giştî yê Neteweyên Yekbûyî Antonio Guterres ku dema wî di 31`ê kanûna sala 2026'an de bi dawî dibe, dê cara dawî serokatiya civînê bike.
Nêzîkî 130 rêberên cîhanê ji bo di Civata Giştî ya Neteweyên Yekbûyî de li New Yorkê fikarên xwe yên girîng ên wekî şerên li Ukrayna û Rojhilata Navîn û xetereyên pêşveçûna bilez a AI nîqaş kirin.
Guterres: Hêza leşkerî tenê nikare aştiyê misoger bike
Sekreterê Giştî yê Neteweyên Yekbûyî Antonio Guterres di vekirina Civata Giştî ya Neteweyên Yekbûyî de got ku pêşbazî nayê wateya rû bi rû bûnê, lê belê ew dikare tiştên erênî, aramî û hevkariyê pêş bixe.
Antonio Guterres diyar kir ku hêza leşkerî bi tena serê xwe nikare aştiyê misoger bike, mîna ku hêza aborî bi tena serê xwe nikare aramiyê misoger bike.
Guterres bang li serokên cîhanê kir ku rageşiyê kêm bikin û azadiya keştîvaniya cîhanî misoger bikin.
Di civînê de Serokê Amerîkayê Donald Trump got ku ew bawer dike ku piştî hilbijartinên navîn ên Dewletên Yekbûyî dê bi Îranê re peymanek çêbibe, her çend ew dikare welêt tune bike.
Trump: Em li gorî Çînê û welatên din ji aliyê AI di asteke bilindtir de ne
Donald Trump li ser Îstîxbarata Çêkirî (AI) jî wiha got:
"Dewletên Yekbûyî li gorî Çînê û hemû welatên din di warê AI-yê de di asteke pir bilindtir de ye.
Ez ê rê li ber mezinbûna tiştekî ku dê ji şoreşa pîşesaziyê mezintir be, negirim.
Hûn bi xêr hatin cîhana nû ya super îstîxbaratê.
Em ê tenê piştgiriyê bidin super-îstîxbaratê.
Niha ez dibêjim, kî di warê AI an super-îstîxbaratê de bi ser bikeve, ew ê bi giştî bi ser bikeve."
Trump bi tundî rexne li hewldanên têkoşîna li dijî guherîna avhewayê kir, li dijî lihevkirina zanistî ya cîhanî, ev yek wekî "xapandinekê" bi nav kir.
Serokê Brezîlyayê di Civata Giştî de axivî.
Li gorî kevneşopiyê, Brezîlya her tim ew dewleta endam e ku pêşî di axive.
Rayedarên Neteweyên Yekbûyî dibêjin sedema vê yekê ew e ku di salên destpêkê yên vê saziya cîhanî de, dema ku welatên din du dil bûn, Brezîlyayê pêşengî kir û yekem car axivî.
Wekî welatê ku mazûvaniya navenda sereke ya Neteweyên Yekbûyî li New Yorkê dike, Dewletên Yekbûyî di rêza duyemîn de tê.
Her wiha dema ku Trump ket civîna Neteweyên Yekbûyî, ji rojnamevanan re got ku peyama wî ji bo Serokê Rûsyayê ew e ku şer bi dawî bike.
Her wiha Civîn wê heya 28`ê îlonê dirêj bike.
