Wezareta Parastinê ya Rûsyayê li ser "Telegramê" têkildarî mijarê nivîsek parve kir û diyar kir ku "9 dron li asîmanê Moskovayê hatin xistin û 28 dronên din jî li herêmeke bajarê Saint Petersburg ê bakurê rojavayê Rûsyayê hatin xistin."
Li gorî şaredar Alexander Drozdenko, ji ber êrişa bi dronan li herêmeke dûrî eniyê şer û nêzî dewletên Baltîk û Fînlandinyayê keştiyek li bendera Prismorsk şewitî.
Drozdenko bi rêya "Telegramê" aşkere kir ku tîmên agirkujiyê şewat kontrol kirine û tu xeterî ji ber herikîna petrola di keştiyê de derneket.
Ev êriş, piştî du rojan ji ketina dronên Rûsyayê li qada hewayî ya Polonyayê pêk hat. Îro jî Rûsya û Belarusiya rahênanên leşkerî yên hevbeş kirin.