Li Ukraynayê, êrîşên Rûsyayê li ser çend devean berdewam in.
Li gorî Reuters, di êrîşên dawî de li Kyivê kesekî jiyana xwe ji dest daye û 17 kesên din jî birîndar bûne.
Di êrîşa Rûsyayê ya li ser herêma Mykolaivê de 4 kes mirin
Her wiha Waliyê Herêma Mykolaiv a Ukraynayê Heorhii Reshetilov destnîşan kir ku di encamê êrîşên Rûsyayê yên li ser herêmê de 4 kes hatin kuştin û 19 kesên din jî birîndar bûn.
Şaredarê Kîevê Vitali Klitschko destnîşan kir ku hêzên Rûsyayê cara yekem êrîşî depoyeke sotemeniyê ya li paytextê Ukraynayê kirin û di encamê de 4 kes birîndar bûn.
Li bajarê Sumy jî dronên Rûsyayê navendeke bazirganiyê armanc girtin. Di encamê de 5 kes mirin û 25 kesên din jî birîndar bûn.
Di aliyê din de, Ukrayna êrîşên xwe li hundirê axa Rûsyayê zêde kiriye.
Dronên Ukraynayê li herêma Yamalê, li bakurê Rûsyayê, tesîseke girîng a gazê armanc girtine û li wir agir derket.
Ukrayna dibêje ku ji destpêka şer ve ev yek ji dûrtirîn êrîşên wê yên li hundirê Rûsyayê ye .
Zelensky: Parastina asmanî yek ji mijarên sereke yên civînê ne
Di heman demê de, Serokê Ukraynayê Volodymyr Zelensky gihiştiye Kanadayê û got ku parastina asmanî û amadekariya Ukraynayê ji bo zivistanê dê di nav mijarên sereke yên civînên wî de bin.
Di aliyê dîplomasiyê de jî, Moskovayê got ku ew hêvî dike dan û standinên aştiyê bi navbeynkariya Amerîkayê di demeke nêzîk de ji nû ve dest pê bikin.
