Lêpirsîna windabûna xwendekara zanîngehê Gulistan Doku, ku ji sala 2020'an vir ve li Dêrsîmê winda ye, di asteke nû de berdewam dike. Wezîrê Dadê Akın Gürlek diyar kir ku agahiyên nû nîşan didin ku dibe ku cenaze çend caran hatibe veguhastin û bi madeyên kîmyewî bi tevahî hatibe tunekirin.
Di çarçoveya lêpirsînê de, gumanbar Umut Altaş di îfadeya xwe ya ji bo FBI'yê re (li DYA'yê) li xwe mikur hat ku li cihê bûyerê bûye. Altaş îdia kir ku Gulistan Doku ji hêla Mustafa Türkay Sonel (kurê Waliyê Dêrsîmê yê wê demê) ve di wesayîtekê de hatiye gulebarankirin û parêzvanê waliyê demê jî ji bo veşartina delîlan ketiye dewrê.
Wezîr Gürlek destnîşan kir ku lêkolînên cidî li ser hin rayedarên giştî yên ku raye û wezifeya xwe ji bo astengkirina lêpirsînê bi kar anîne, berdewam dikin.
