Ev zevî bi navê ‘Bihuşta Çûkan’ tê naskirin ku li Îranê qada yekem a çavdêriya çûkan e.
Rûberê Kanî Berazan; hezar û 50 hektar e û ji 75 cureyên çûkên avî û peravê re maluvaniyê dike.
Ji van 75'an 13 cûreyê wan di bin xetereya tunebûnê de ne û gelek çûk neçar mane koç bikin.
Zindiyên din jî bi taybet kevzên avê ji hişkesaliyê bandor bûn û tune bûne.
Ev qad berê jî rûbirûyî krîza bê avêyî bû, lê belê ji nîvê Îlona îsal ve di asta avê de ketinek cidî hate jiyîn û di meha Cotmehê de bi temamî hişk bû.
Pisporan sedemê hişkbûnê wek guherîna avhewayê û rêveberiya xirab a rayedaran nîşan dan. Diyar kirin ku di temînkirina ava çandinî û ava vexwarinê de rewşekî xeter heye.
