Li nêzî gundê Oostrum ê eyaleta Limburg a li başûrrojhilatê Hollandayê, şewateke mezin a daristanan rû da. Şewata ku roja Duşemê danê nîvro destpê kir, ji ber bandora bayê ku her tim aliyê xwe diguhere û ji ber hişkesaliya li herêmê, bi lez belav bû û heta serê sibeha Sêşemê gihîşt 100 hektarî.
Nêzî 300 arkuj û tîmên rizgarkirinê bi şev û roj hewl didin ku agir vemirînin.
Di xebatên vemirandinê de helîkopterên artêşê jî ji asman ve piştgiriyê didin. Ji ber dûmana zêde û nêzîkbûna agir, qadeke kampê ya li derdorê bi armanca tedbîrê hate valakirin û geştên trênan ên li herêmê hatin sekinandin.
Rayedaran hişyarî dan rûniştvanên herêmê ku pencerên xwe bigirin û ji dûmanê dûr bikevin.
Heya niha sedema derketina şewatê bi fermî nehatiye eşkere kirin.
