Wezareta Tenduristiyê ya Îranê têkildarî bîlançoya qurbaniyên jin û zarokên di êrîşên Îsraîl û Amerîkayê de jiyana xwe ji dest dane, daxuyaniyek belav kir.
Di daxuyaniyê de hate ragihandin ku ji destpêka êrîşên hevbeş ên Îsraîl û Amerîkayê yên li ser Rojhilatê Kurdistan û Îranê ve, 220 jinan jiyana xwe ji dest dane û 2 hezar û 500 jin jî birîndar bûne.
Wezaretê da zanîn ku di êrîşan de 211 zarokên di bin temenê 18 salî de jiyana xwe ji dest dane û hezar û 141 zarok jî birîndar bûne.
Hêjayî gotinê ye ku li gorî rapora Rêxistina Mafê Mirovan a HRANA'yê di nava 24 demjimêrên borî de, di êrîşên hevbeş ên Îsraîl û Amerîkayê li ser Rojhilatê Kurdistan û Îranê de, 10 welatiyên sivîl jiyana xwe ji dest dan û 91 welatî jî birîndar bûne.
