Şandeyek ji Zanîngeha Kobanê peymanek hevkarî û hevrêziya akademîk bi Zanîngeha Maria Curie-Skłodowska li Lûblîn, Polonya re mihûr kir.
Armanca vê yekê xurtkirina hevkariya zanistî, lêkolînî û danûstandina pisporiya akademîk di navbera her du zanîngehan de ye.
Di nav şandeya Zanîngeha Kobanê de Hevserokê Zanîngeha Kobanê Mamoste Şervan Mislim û Rêveberê Nivîsgeha Têkiliyên Navneteweyî Dr. Eşref Mehmûd hebûn.
Ev peyman ji bo pêşxistina hevkariyê di warên lêkolînên zanistî, danûstandina akademîk û pêkanîna proje û çalakiyên hevbeş de hat mihûrkirin.
Zanîngeha Maria Curie-Skłodowska yek ji çar zanîngehên dewleta Polonya yên herî mezin in, ku nêzîkî 70 hezar xwendekar lê dixwînin.
