Yekîneyên Parastina Jin (YPJ) bi boneya salvegera damezrandina xwe û 4`ê Nîsanê rojbûna Rêberê damezrînerê PKK`ê Abdullah Ocalan, toraneke leşkerî li Yarîgeha Şehîd Seydo a Kobanê li dar xist.
Yek ji fermandarên YPJ'ê Dilbirîn Kobanê di toranê de axivî.
Dilbirîn Kobanê wiha got:
"Em salvegera damezrandina YPJ`ê li Rêber Apo, tevahî jinên azadîxwaz û têkoşer û her wiha li gelê xwe yê azadîxwaz pîroz dikin."
Her wiha Dilbirîn Kobanê diyar kir ku, ew ê her tim ji bo azadî, aramî û ewlehiya bajarê xwe têbikoşin.
Dilbirîn Kobanê wiha domand:
"Em ji hêza xwe bawer in û em ê her tim li ber xwe bidin, heta asta serkeftinê.
Zilma ku bi salan li ser gelê me hatiye kirin, em ê nehêlin ew zilm dubare bibe.
Me hêza xwe ji rêberê xwe girtiye û em ê her tim ji bo azadiya gelê xwe û rêberê xwe têbikoşin, heta ku em Rêber Apo di nava xwe de bibînin."
Şervanên YPJ`ê piştî toranê, heta Qada Jina Azad meşiyan.
Ji wê derê jî, şervanên YPJ`ê bi erebeyan di nava kolanên bajêr de geriyan û piştre berê xwe dan gundê Elpelûrê ku mala Abdullah Ocalan lê bû.
