Yekîtiya Esnafan a Kantona Cizîrê konferansa xwe ya yekemîn bi dirûşmeya "bi yekîtiyê xwe têrkirin û Civakeke Azad û Demokratîk ava bikin" li Hola Zana ya Qamişlo hat lidarxistin.
Nûnerên sazî û dezgehên Rêveberiya Xweser, endamên Kongra Star, şaredariya gel û Hêzên Ewlekariya Hundirîn di konferansê de amadebûn.
Di konferansê de Hevseroka Yekitiya Ensafan a Qamişlo Xunav Elî rapora xebatên 2 salên borî yên yekitiyê xwend.
Di raporê de pirsgirêkên aborî wekî bilindbûna bac û cudabûna wan li her bajarekî, bandorên ambargoyê, bêaramiya nirxên pereyan hatin vegotin.
Hate gotin, yekitî bi hemahengiya Saziyên Rêveberiya Xweser hewl dide van pirsgirêkan çareser bike û
piştgiriyê bide beşdariya jinan di kar de.
Her wiha Hevserokê Yekitiya Esnafan a Herêma Bakur û Rojhilatê Sûriyê Nezhan Mehmûd rêzikname xwend.
Di dawiya konferansê de hilbijartina hevserokên Rêveberiya Yekbûyî ya Yekîtiyên Esnafan yên Qamişlo û Hesekê hatin hilbijartin.
