Qeter wê projeyê fînanse bike
Qeterê piştgiriya vê pirojeyê kir û bi tevahî radestkirina gaza Azerbaycanê ji bo Sûriyeyê girt ser xwe.
Rojane wê 6 milyon metrekup gaz veguheze Sûriyeyê
Li gorî Wezîrê Enerjiya Sûriyeyê Mihemed El-Beşîr, Ev boriya gazê wê rojane 6 milyon metrekup gaz veguhezîne Sûriyeyê, lê di gava destpêkê de wê tenê 3.4metrekup veguhêze.
Proje wê 750 megawat li ser hilberîna enerjiyê zêde bike
Mihemed El-Beşîr diyar kir ku ev xet, dabînkirina elektrîkê û zêdekirina demjimêrên xebitandinê yên santralên elektrîkê wê baştir bike û wê hilberîna enerjiya bi 750 megawat zêde bibe.
Wezîrê Enerjiya Sûriyeyê tekez kir ku ev piroje wê Piştgiriya çerxa pêşketinê û teşwîqkirina pîşesazî û aboriyê bike.
Barrack: Proje wê elektirîkê ji nêzî 5 melyon malbet re peyda bike
Ji aliyê xwe ve, Nûnerê Taybet ê Amerîkayê yê bo Sûriyê Thomas Barrack, fînansekirina tevahî ya gaza Azerbaycanê ji aliyê Qeterê ve bo Sûriyê, wekî delîlek ji bo hevkarî û dostaniyê bi nav kir û ev gav wekî gaveke girîng ber bi alîkariya mirovî û aramiyê ve, di demek krîtîk de bi nav kir.
Thomas Barrack anî ziman ku şandina gazê, wê di 2'ê Tebaxê di dest pê bike û elektirîkê nêzî 5 melyon malbet re peyda bike.