Îro li ser rêya Kefar Dejal a li başûrê Lubnanê, balefireke bêmirov a Îsraîlê 2 moşek avêtin erebeyekê.
Di encama êrîşê de erebe şewitî û 3 kes hatin kuştin.
Her demekê tê ragihandin ku Îsraîlê deverek li Lubnanê hedef girtiye. Îro jî Li bajarokê Kefar Dejal ê navçeya Nabatiyê balefireke bê mirovî 2 moşek avêtin erebeyekê û li gorî Wezareta Tenduristiya Giştî ya Lubnanê, di êrişa Îsraîlê de 3 kes hatine kuştin.
Ajansa Nûçeyan a Nîştimanî ragihand ku, tîmên agirkujiyê û ambulans ber bi cihê bûyerê ve çûn, agir hat vemirandin û kuştî rakirin nexwaşxaneyê.
Çavkaniyan diyar kir ku balafirên bêmirov ên Îsraîlê ji sibehê ve li ser Nabatiyê difirin.
Egîd Xelîl
