Bi sedan ji xelkên bajarê Qamişlo yê Rojavayê Kurdistanê piştgiriya xwe bo Başûrê Kurdistanê nîşan dan.
Xelkên Qamişloyê li pêşiya Stadyuma 12'ê Adarê kom bûn û daxwaz kirin ku êrîşên li ser Başûrê Kurdistanê werin rawestandin.
Ji destpêka şerê di navbera Îsraîl-Amerîka û Îranê de, ku ji 28'ê Sibata 2026'an ve dest pê kiriye, zêdetirî 300 êrîşên mûşekî û dronî li ser Başûrê Kurdistanê, bi taybetî Hewlêr û Silêmaniyê pêk hatine.
Di encama van êrîşan de, 9 pêşmergeyên Başûrê Kurdistanê û jimarek ji pêşmergeyên partiyên Rojhilatê Kurdistanê jiyana xwe ji dest dane û zirar gihîştiye mal û milkên welatiyan.
Behiya Hesen tekez kir ku çawa gelê Başûrê Kurdistanê ji bo wan daketin kolanan, ew ê jî piştgiriyê bikin.
Behiya, xortê Kurd Ehmed Hêmin ê ku ji Kerkûkê yê ku di şerê Rojava de jiyana xwe ji dest dabû, bi bîr xist û tekez kir ku ew ê keda xort û keçên Kurdistanê ji bîr nekin.
Her wiha, Umer El-Hecî yê ji bajarê Kobanî ku di çalakiyê de amade bû, daxwaz ji hemû Kurdan û welatên cîhanê kir ku li dijî van êrîşan rabin ser piyan û tekez kir ku hêviya wan ew e, ku Kurd bibin yek û Kurdistana mezin ava bibe.
Li aliyê din, Laleş Ebû Zêd destnîşan kir ku Kurd li hemû hêlên cîhanê yek in û daxwaz kir ku êrîşên li ser Başûrê Kurdistanê werin rawestandin.
