Gundê Qilheydê bi berhemên xwe yên îsotê gelek navdar e. Di dema payîzê de, hemû welatiyên Kobanê dest bi amadekirina îsotê dikin. Ev kar ji bo amadekirina xwarinên zivistanê ye. Di havînê de îsot nayê çêkirin, ji ber ku ger di germaya havînê de bê amadekirin, rengê wê dikare zêde tarî bibe.
Bi sedan sal ku îsot li deşta Sirûcê tê amadekirin. Ev berhema kevneşopî di piraniya xwarinan de tê bikaranîn û bi çend cureyan tê amadekirin.
Cureyek ji bo dolmayê tê hişkkirin, cureyekî din wekî biharat tê bikaranîn û dikare weke ava îsotan ya tûj jî were amadekirin.
Lê cureya herî navdar, ew îsota ku di çîkê goşt de tê bikaranîn û çêjek taybet û xweş dide.
Ji ber vê taybetmendiyê, îsota Qilheydê ne tenê berhemek xwarinê ye, lê parçeyek ji kevneşopî û çanda xwarinê ya Kobanê ye.
