Emîndarê Giştî yê Wezareta Pêşmerge Bextiyar Mihemed Sadiq, ji Ajansa Nûçeyan a Îraqê re ragihand ku peymana têgihiştinê ya di navbera her du aliyan de ku di 21’ê îlona 2022’yan de dest pê kiribû û çar sal dom dikir, bi dawî bûye.
Bextiyar got ku alîkariya darayî ya Hevpeymaniya Navneteweyî ji bo mehên tebax û îlona 2026’an ku roja pêncşema borî (24`ê îlonê) hatibû belavkirin, li gorî peymanê beşa dawî ya pereyan bû.
Li hemberî vê guhertinê, Wezareta Pêşmerge ji hikûmeta federal a Îraqê xwestiye ku bi rêya bilindkirina mûçeyên Pêşmergeyan heta asta mûçeyên hêzên ewlehiyê yên Îraqê, cihê van alîkariyên rawestiyayî tijî bike.
