Koçberê ji Serêkaniyê Omer Hisên vê dawiyê ji bo çend saetan çûbû Serê Kaniyê û serdana mala xwe kiribû.
Hisên diyar kir ku ew bi rêya gundê Aliya, ber bi bajarokê Til Helef ve ketiye bajêr û berî destûr bê dayîn ku bikeve bajêr, li xaleke kontrolê, lêgerîn li ser wî hatiye kirin û wêneyên wî û yên otomobîla wî hatine kişandin.
Omer Hisên, destnîşan kir ku wî gelek kesên nenas di nava bajêr de dîtine.
Hisên got ku rêjeya wêrankirin û talankirina milkên şêniyan pir mezin e û hin xanî ji bo dizîya hesin hatine hilweşandin.
