Şerê di navbera Îsraîl-Amerîka û Îranê de bandoreke mezin li Başûrê Kurdistan û Îraqê dike.
Duh bi şev gelek dever li Başûrê Kurdistanê û Îraqê hatin bombebarankirin.
Li gorî agahiyên ku hatine belavkirin, derengiya şeva borî balafirgeha Herîr a dikeve sînorê bajarê Hewlêrê ku baregeha hêzên Hevpeymaniyê lê ye, hate bombebarankirin.
Her wiha di saetên sibehê de jî li nêzîkî balafirgeha leşkerî ya Herîrê dengê teqînekê hat bihîstin.
Li gorî agahiyên ku çavkaniyên herêmê hatin girtin; bi rêya dronekê êrîşî balafirgehê hatiye kirin, lê ji aliyê sîstema parastina Hevpeymaniyê ve hate têkbirin.
Navenda bajarê Hewlêrê hat armancgirtin
Her wiha bi rêya balafira bêmirov a bombebarkirî, êrîşî bajarê Hewlêrê hate kirin û di encamê de zererên madî çêbûn.
Hate ragihandin ku balafira bêmirov a bombebarkirî li taxa 32 ya Park ketiye xwarê.
Xaleke artêşa pasdaran a li Çomanê hat bombebarankirin
Li aliyekî din jî balafirên şer yên Îsraîl û DYA'yê xaleke leşkerî ya Sipaha pasdaran a Îranê a di navbera navçeya Pîranşar a Rojhilatê Kurdistanê û navçeya Çoman ya Îdareya Serbixwe ya Başûrê Kurdistanê bombebaran kir.
Nûçegihanê ROJ NEWS'ê li cihê bûyerê ragihand ku xala hatiye bombebarankirin, bi temamî hatiye rûxandin.
Di êrişa DYA de berpirsekê Hizbullaha Îraqê yê Babilê hat kuştin
Çavkaniyekê ji ROJ NEWS'ê ragihand ku li navçeya Îskenderiye ya parêzgeha Babilê hêzên DYA’yê êrîşî wesayîta Berpirsê Şobandin û Ketîbeyên Hizbullaha Îraqê Ebû Hesen Firêcî kirin.
Di êrîşê de Firêcî û parêzvanên xwe hatin kuştin.
