Welatî û karmendên Seyîd Sadiq diyar kirin ku tiştek bi navê hikûmeta Herêmê nemaye û gotin: Ji ber hinek partî û berpirsan xelk bûne qurbanî ku 72 roj in mûçe wernegirtine.
Her wiha anîn ziman ku şandeyên ku diçin Bexdayê ti eleqeya wan bi gel û welatiyan re tune ye û daxwaz kirin ku serok û berpirsên Kurd ên li Bexdayê îstifa bikin.
Welatiyên Seyid Sadiq destnîşan kirin ku ger rûmet li ser mûçeyê be, divê ew kesên ku nûnertiya Herêma Başûrê Kurdistanê li Bexdayê dikin mûçeyên xwe wernegirin û ger xwe wek hikûmet dibînin, wê tawîzan nedin Bexdayê, bila mûçeyên xelkê ji dahata navxweyî bidin.