Îro DEM Partî li bajarê Tirkiyê Edenayê civînek li darxist.
Civîn bi dirûşmeya `ji bo civakek aştî û demokratîk berbi Rêbertiya Azad ve`hat li darxistin.
Hevseroka Giştî ya DEM PartiyêTulay Hatîmogûllari jî tev li civînê bû.
Tulay Hatîmogûllarî têkildarî Pêvajoya Aştî û Civaka Demokratîk di civînê de axivî.
"Divê êdî çareseriya pirsgirêka Kurd derbasî zemîneke qanûnî û hiqûqî bibe"
Hevseroka Giştî ya DEM partiyê bal kişand ser girîngiya komîsyona li Meclisê hatiye avakirin û got:
"Avakirina komîsyonê encama têkoşîna bi sala ye.
Mîna birêz Abdullah Ocalan jî bi sala ye bi israr dibêje, ev pêvajo ferz dike ku têkoşîn derbasî zemîneke hiqûqî û qanûnî bibe."
"Divê têkoşîn derbasî qonaxeke nû were kirin"
Tulay Hatîmogûllari tekez kir ku têkoşîna gelê Kurd didome û bi xwe re gelek destkeftiyên girîng tîne û wiha lê zêde kir:
"Em behsa gelekî bi têkoşîna çekdarî hebûna xwe daye qebûlkirin dikin.
Di halê hazir de hewceye ku ev destkeftiye derbasî zemîna siyaseta demokratîk, zemîneke qanûnî bibin û veguherin statûyeke hiqûqî."
"Misogerkirina mafên Kurdan wê pêşiya cîbicîkirina daxwazên Elewiyan veke"
Her wiha Tulay Hatîmogûllariyê anî ziman ku pirsgirêka Kurd û pirsgirêka Elewiyan du meseleyên esasî yên Tirkiyê ne û ev nirxandin kir:
"Misogerkirina mafên gelê Kurd, wê pêşiya cîbicîkirina daxwazên civaka Elewî û civakên din ên baweriyan jî veke. "
"Hinek partiyan çûna Îmraliyê qebûl nekir"
Têkildarî hevdîtina bi Rêberê damezrînerê PKK Abdullah Ocalan jî Tulay Hatîmogûllari wiha got:
"Hinek partiyan çûna Îmraliyê qebûl nekir.
Di hevdîtina li Îmraliyê de birêz Ocalan destnîşan kir ku ji şerê Milazgirê heta niha Kurd û Tirkan di navbera xwe de tifaqên serkeftî pêş xistine û ev bi berfirehî vegot.
Di hevdîtinê de li gel erk û berpirsyartiyên komîsyonê, her wiha meseleya qanûnîbûna wê jî destnîşan kir."
Tulay Hatîmogûlarî herî dawî wiha got:
"Daxwaza me ew e ku demekî kin piştî serê salê li komîsyonên îhtîsasê verastkirinên qanûnî dest pê bikin.
Derxistina qanûneke taybet û berfireh pêwîst e û divê qanûna înfazê biguhere."
