Şewatên ku li bajarên Tirkiye û Bakurê Kurdistanê derketibûn li hinek bajaran hatiye kontrol kirin li hinek deveran jî didome.
Antalya, Mêrsîn û Osmaniye
Di şewatên Antalya, Mêrsîn û Osmaniyeyê de baxçeyên darzeytûn, fêkiyan û daristanê zirar dîtin. Bi mudaxeleya komên agirkujê ve şewat li hinek deveran hate kontrolkirin, li hinek cihan jî xebatên tefandinê didomin.
Îzmîr
Ji duh ve li Taxa Kuyucak a navçeya Menderes a Îzmîrê û Taxa Doganbey a navçeya Seferîhîsarê şewata ku derketiye didome. Xebatên ji bo vemirandina şewatê jî berdewam dikin.
Mêrdîn
Duh li gundên Sitîlîlê û Habîsê yên li Herêma Omeryayê ya navçeya Nisêbîn a Mêrdînê şewat dest pê kiribû û şewat hate vemirandin. Di encama xebatan de şewat di saetên nîvşevê de hate vemirandin. Zirar û ziyaneke mezin gihîştiye erd û zeviyên herêmên navborî.