Rojnamevan Nazim Daştan û Cîhan Bîlgîn, dema geşedanên li Bendava Tişrînê û Pira Qereqozaqê ya Bakur û Rojhilatê Sûriyê dişopandin, bi SÎHA’yên dewleta Tirk hatibûn qetilkirin.
Qetilkirina rojnamevanan, li Stenbolê bi çalakiyekê hatibû protestokirin.
Di dema çalakiyê de Zeynep Kuray, Mahsum Saglam, Pelîn Laçîn, Yadîgar Aygun û Yagmûr Fîlîz hatibûn binçavkirin û der heqê wan de bi îdiaya “Muxalefeta li dijî qanûna civîn û xwepêşandanan a bi hejmar 2911” doz hatibû vekirin.
Danişîna doza rojnamevanan li 39’emîn Dadgeha Cezayên Giştî ya Stenbolê hat lidarxistin. Rojnamevan û parêzerên wan di danişînê de amade bûn.
Dadgehê, biryar da ku tevdîra kontrola edlî ya rojnamevanan were rakirin û danişîn taloqî 8’ê Gulana 2026’an kir.
