Endamê Desteya Hevserokatiyê PYD'ê Salih Muslim li nexweşxaneyek Hewlêrê ya ku lê dihat dermankirin, ji ber nexweşiyeke giran jiyana xwe ji dest da.
Hat hînbûn ku dê cenazeyê Salih Muslim ji Başûrê Kurdistanê derbasî Rojava bê kirin. Piştî ku cenaze li barajê Qamişlo were pêşwazîkirin, wê li Kobanê bi merasîmeke heybet were oxirkirin.
Heyetek ji hevberdevkên Înîsiyatîfa Yekîtiya Demokratîk, hevserokên DEM Partiyê û BDP'ê pêk tê dê tevlî merasîma cenazeyê Endamê Desteya Hevserokatiya Partiya Yekîtiya Demokratîk (PYD) Salih Muslim bibe.
Merasîma cenazeyê Endamê Desteya Hevserokatiya PYD'ê Salih Muslim dê di 14'ê Adarê de li Kobanê pêk bê.
Hate zanîn ku heyetek ji Bakurê Kurdistanê jî dê tevlî merasîma cenazeyê Muslim bibe.
Hevberdevkên Înîsiyatîfa Yekîtiya Demokratîk Mehmet Kamaç û Gulcan Kaçmaz Sayyîgît, Hevserokên DEM Partiyê Tûlay Hatîmogullari û Tuncer Bakirhan, Hevserokên Giştî yên Partiya Herêmên Demokratîk (DBP) Çîgdem Kiliçgûnûçar Ûçar û Keskîn Bayindir û nûner û rayedarên siyaseta Kurd dê di heyetê de cih bigirin.
