Komîteyê kordînasyona Pênaber û Jicîhwarbûyên Darfûrê roja Duşemê ragihand ku 217 bûyerên nû yên kolerayê û 9 mirin hatine tomar kirin, bi vî awayî hejmara giştî ya bûyeran ji destpêka nexweşiyê ve gihîştiye 8 hezar 173 kesan di nav de 346 mirine.
Komîteyê eşkere kir ku nexweşî bi taybetî li Tawila, Jebel Marra, Zalingei, Nyala û kampên koçberan belav bûye ku rêjeyên enfeksiyonê yên bêhempa li wir hatine tomar kirin.
Tenê li Tawilayê zêdetirî 4,700 enfeksiyon û 76 mirin hatine tomar kirin.
Di heman demê de li Jebel Marra zêdetirî 1,200 enfeksiyon û 51 mirin hatine tomar kirin, ji bilî bi dehan bûyeran li kampên Sortoni, Kalma, Atash, Dereig û Hamidiyê.
Herêmên din jî rêjeyên cûda tomar kirin, di nav wan de El-Rubiya bi 264 bûyer û 15 mirinan, Xezna Jadid li Rojhilatê Darfûrê bi 91 bûyer û 18 mirinan, û Azum, rojavayê Zalingeiyê, bi 109 bûyer û du mirinan.
Rêxistina Tenduristiyê ya Cîhanê banga alîkariya lezgîn kir
Komîteya Hevrêzkirinê bal kişand ser kêmbûna pêdivî û Bijîşkan û got:
Belavbûna kolêrayê berdewame di nav kêmbûna pêdiviyên bijîşkî û navendên îzolekirinê yên sînorkirî de, di welatekî ku ji ber şer, birçîbûn û nexweşiyan hatiye parçekirin de "kabûsek û karesateke mirovî ya jibîrkirî" tê jiyan kirin.
Rêxistinên navneteweyî bi serkêşiya Rêxistina Tenduristiyê ya Cîhanê ji bo belavbûn a nexweşiyê were sînordarkirin banga mudaxeleya lezgîn kir.
Herêma ku ev nexweşî lê belavbûyî ji Nîsana 2023`an û vir ve şer di navbera Artêşê bi Serokatiya Ebdulfetah Burhan û Hêzên piştgiriya lezgîn bi Serokatiya Cîgirê wî yê berê Mihemed Hemdan Dagalo de ku di encama wî de bi deh hezaran kes mirin berdewam dike.