Serokê Navenda Têkiliyên Giştî û Agahdariyê ya Wezareta Tenduristiyê ya Îranê Husên Kerman Pûr amara dawî ya kuştî û birîndarên şerê Amerîka û Îranê yê hefteya borî ragihand.
Husên Kerman Pûr eşkere kir ku di êrîşên dawî yên Amerîkayê yên li ser şeş bajarên Îranê de 17 kes hatine kuştin.
Kerman Pûr da zanîn ku di êrîşên 8 û 9'ê tîrmehê de 115 kes jî birîndar bûne.
Li gorî serokê Navenda Têkiliyên Giştî, hejmarek ji birîndaran piştî dermankirinê ji nexweşxaneyan derketin.
Piştî ku hefteya borî Îranê 3 keştî li Tengava Hurmizê armanc kirin, Amerîkayê êrîş li ser armancên Îranê li Bender Ebas, Qeşem, Sîrîk, Çabehar û Bûşehrê da destpêkirin.
© 2026 – NÛÇE TV Hemû maf parastî ne. Nûçe Rastî ye