کەناڵی ئیسرائیل 24 ڕایگەیاند کە سوپای ئەمریکا دەیەوێت سیستمی بەرگریی مووشەکیی پاتریۆت لە شاری هەولێر بکشێنێتەوە، و ئەم هەنگاوەش لە چوارچێوەی پرۆسەی ڕێکخستنەوەی هێزەکانیان لە ناوچەکەدا دێت.
هەروەها ماڵپەڕی ئەلمۆنیتەر لە زاری چەند بەرپرسێکی ئەمریکییەوە بڵاوی کردەوە کە سوپای ئەمریکا لە ماوەی یەک هەفتەدا هێزەکانی لە نزیک فڕۆکەخانەی نێودەوڵەتیی هەولێر دەکشێنێتەوە، و وەک هەنگاوی دەستپێکیش بەشێک لە کەرەستە سەربازییە قورسەکانیان بردووەتە دەرەوەی عێراق.
شایەنی باسە، لە ماوەی جەنگی نێوان ئەمریکا و ئیسرائیل لە لایەک و ئێران لە لایەکی ترەوە، سیستمی پاتریۆت لە هەولێر ڕۆڵێکی گەورەی هەبوو لە بەرپەرچدانەوەی سەدان هێرشی مووشەکی و درۆنیی ئێراندا کە دەکرانە سەر هەرێمی کوردستان.