پرۆسەی دابەشکردنی بەنزینی پاڵپشتیکراوی حکومەتی هەرێمی کوردستان بە نرخی 750 دینار بۆ هەر لیترێک بە شێوەیەکی فراوان لە شار و شارۆچکەکان دەستی پێ کردووە و بڕیارە رۆژانە زیاتر لە 2.7 ملیۆن لیتر دابەش بکرێت.
لە هەولێر لە 50 بەنزینخانە دابەشکردن دەستی پێ کردووە و بۆ بەیانی 33 تانکەر (1.188 ملیۆن لیتر) دابین دەکرێت، هەروەها پشکی ئیدارەی سۆرانیش بۆ 300 هەزار لیتر زیاد دەکرێت.
لە سلێمانی و ئیدارەی ڕاپەڕین، ڕۆژانە 13 تانکەر (480 هەزار لیتر) لە 13 بەنزینخانەدا بە شێوەی 24 کاتژمێری دابەش دەکرێت و ژمارەی بەنزینخانەکانیش زیاتر دەکرێن، هەروەها سووتەمەنی دەگاتە ڕانیە، قەڵادزێ و حاجیاوا.
لە دهۆک، 27 تانکەر (950 هەزار لیتر) گەیشتووەتە پارێزگاکە و بڕەکە ڕۆژانە بەپێی پێویستی زیاد دەکرێت.
لە هەڵەبجە، ڕۆژانە دوو تانکەر (72 هەزار لیتر) دابین دەکرێت کە 80٪ی کێشەی سووتەمەنی لە پارێزگاکە چارەسەر دەکات.
فراوانبوونی دابەشکردنی بەنزینی 750 دیناری لە هەرێمی کوردستان
