کەشناسیی هەرێمی کوردستان بڵاویکردەوە، ئەمڕۆ و سبەی بارستە هەوایەکی سارد ناوچە جیاجیاکانی هەرێم دەگرێتەوە و لە کاتی باران بارین ئەگەری بەرزبوونەوەی تۆزوخۆڵ هەیە.
بەگوێرەی پێشبینییەکانی کەشناسی هەرێم، ئەمڕۆ ئاسمان نیمچە هەور دەبێت و خێرایی "با " زیاد دەکات، و ئەگەری بارانی بەهاری لە ماوەیەکی کورتخایەندا لە هەندێک ناوچەی شاخاوی هەیە.
دەربارەی کەشی سبەی دووشەممە دەڵێت، پلەکانی گەرما نزم دەبێتەوە و بارستە هەوایەکی سارد و فێنک ناوچە جیاجیاکانی هەرێم دەگرێتەوە، لەکاتی باران بارین ئەگەری بەرزبوونەوەی تۆزوخۆڵ لە چینە بەرزەکانی کەشی هەرێم هەیە،
هاوکات، لەناوچە سنورییەکانیش باران بارین و تەرزە بارین بە شێوەی گەواڵە بارانی بەهاری لەگەڵ بوونی هەورە بروسکە دەبێت.
دەشڵێن، کاریگەری ئەو بارستە هەوا ساردە تا چەند ڕۆژێک لەسەر ناوچەکە دەمێنێتەوە.