پەروین بوڵدان، سیاسەتمەداری کورد و ئەندامی شاندی ئیمڕاڵی، لە شاری وانی باکووری کوردستان لەگەڵ "دایکانی ئاشتی" کۆبووەوە و ڕایگەیاند، قسە و هەڵوێستی ئەو دایکانەی ساڵانێکی درێژە قورسترین ئازارەکان هەڵدەگرن، ڕێنماییکارە بۆیان.
پەروین بولدان لە پەیامەکەیدا ئاماژەی بەوە کرد، کە سەرەڕای تێپەڕبوونی ساڵانێکی پڕ لە ئازار و ناخۆشی، دایکانی ئاشتی هەرگیز دەستبەرداری ژیان و ئاشتی نەبوون و سووربوونیان هیوای هاوبەشی سەرجەم گەلانە.
لە کۆتایی پەیامەکەیدا، ئەو سیاسەتمەدارە کوردە جەختی لەوە کردەوە که گەورەکردنی دەنگی ئاشتی و بەردەوامیدان پێی، ئەرک و بەرپرسیارێتییەکی هاوبەشە کە دەکەوێتە ئەستۆی هەمووان بۆ ئەوەی ئاشتییەکی هەمیشەیی بونیاد بنرێت.