ئه‌نجومه‌ن و كۆمه‌ڵه‌كانی تایبه‌ت به ژینگەپارێزی له ڕەحا ده‌ڵێن، پڕۆژە پیشەسازییەکان ژینگەی شرنه‌خیان وێران کردووە، داواشده‌كه‌ن لیژنه‌یه‌كی لێكۆڵینه‌وه بۆ پیسبوونی ژینگه‌ی ناوچه‌كه پێكبهێنرێت.
ئەنجومەنی ژینگەپارێزی ئورفا و لقی ئورفای کۆمەڵەی مافەکانی مرۆڤ لە کۆنگرەیەکی ڕۆژنامەنوسیدا تیشکیان خستە سەر ئەو وێرانکارییە ژینگەییەی لە سنوری پارێزگای شرنه‌خ ڕوودەدات و هۆشدارییاندا لەبارەی مەترسییەکانی سەر سەرچاوەکانی ئاو و سیستەمی ئیکۆلۆژیی ناوچەکە.
ئاماژه‌یان به‌وه‌شكرد، بەهۆی پڕۆژەکانی دروستکردنی بەنداو، چالاکییەکانی گەڕان و دەرهێنانی کانزاکان و خراپیی بەڕێوەبردنی پاشماوەکان، زیانێکی گەورە بە سروشتی ناوچەکە گەشتووە و سەرچاوە ئاوییەکان بە شێوەیەکی مەترسیدار پیسبوون.
سەرهات ئاڵتانداغ، هاوسەرۆکی ئەنجومەنی ژینگەپارێزی ئورفا، ئاماژەی بەوەکرد، پیسبوونی ڕوبارەکانی وەک هەزل، دیجلە و نەردوش نیشانەی ئەوەن کێشەکە تەنیا بابەتێکی کاتی نییە، بەڵکو پەیوەندی بەو پێکهاتە و پڕۆژە مەبەستدارانەوە هەیە لە ناوچەکەدا جێبەجێ دەکرێن دەکرێن.