مەکتەبی سیاسیی پارتی دیموکراتی کوردستان بە بۆنەی 65ـەمین ساڵیادی هەڵگیرسانی شۆڕشی مەزنی ئەیلوولەوە ڕاگەیێندراوێکی بڵاو کردەوە و تێیدا شۆڕشەکەی بە وەرچەرخانێکی مێژوویی لە بزاڤی ڕزگاریخوازی گەلی کورد ناو برد.
لە ڕاگەیەندراوەکەدا جەخت لەوە کراوەتەوە کە شۆڕشی ئەیلوول بزووتنەوەی ڕزگاریخوازی کوردستانی گواستەوە بۆ قۆناغێکی سیاسیی پێشکەوتووتر و چەندین دەستکەوتی مەزنی بەدی هێنا.
لەسەر ئاستی ناوخۆیش، مەکتەبی سیاسیی پارتی جەختی لە گرنگیی یەکڕیزی، هەماهەنگی و هاوهەڵوێستیی سەرجەم لایەنە سیاسییەکانی کوردستان کردەوە بۆ چارەسەرکردنی کێشەکان و پاراستنی قەوارەی هەرێم و دەستکەوتەکان.