میلاد خورشیدی، مامۆستای پۆلی سەرەتایی و خەڵکی گوندی بەهراماباد، زیاتر لە مانگێکە لەلایەن هێزە ئەمنییەکانی ئێرانەوە لە مەریوان دەستبەسەر کراوە و تا ئێستاش چارەنووسی نادیارە.
بەگوێرەی زانیارییەکانی ڕێکخراوی مافی مرۆڤی هەنگاو، هێزەکانی ئیدارەی اطلاعات هەڵیانکوتاوەتە سەر ماڵی ناوبراوی تەمەن ٣٢ ساڵ و دوای پشکنینی ماڵەکەی، بۆ گرتووخانەیەکی ئەمنیی شاری سنە گواستوویانەتەوە.
سەرەڕای تێپەڕبوونی نزیکەی مانگێک بەسەر دەستبەسەرکردنیدا، بنەماڵەکەی هیچ زانیارییەکیان لە بارەی دۆخ و تۆمەتەکانی سەر ناوبراو دەست نەکەوتووە و لەژێر فشاردا بووە بۆ وەرگرتنی دانپێدانانی زۆرەملێ.