نیوەڕۆی ئەمڕۆ دووشەممە، هێرشێکی درۆنی بۆ سەر دەوروبەری قەزای کۆیە لە پارێزگای هەولێر ئەنجامدرا و بەهۆیەوە ئاگر لە چیای هەیبەت سوڵتان کەوتەوە.
بەگوێرەی زانیارییە سەرەتاییەکان، هێرشەکە بە درۆنی خۆکوژ کراوەتە سەر ناوچەکانی دەوروبەری کۆیە و ڕاستەوخۆ لە نزیک زانکۆی کۆیە و چیای هەیبەت سوڵتان کەوتووەتەوە.
بەهۆی بەرکەوتنی درۆنەکەوە ئاگر لە گژوگیای چیای هەیبەت سوڵتان کەوتووەتەوە، تاوەکو ئێستا زانیاریی ورد لەسەر ئاستی زیانە گیانی و ماددییەکانی ڕووداوەکە و کۆنترۆڵکردنی ئاگرەکە ڕانەگەیەندراوە.