فێستیڤاڵی کورتە فیلمی کوردی کە کۆتایهات و تێیدا خەڵات پێشکەشى باشترین فیلم و ئەکتەرەکان کرا و ژنە ئەکتەری کورد ڕێزە محەمەد خەڵاتی باشترین ئەکتەری ژنی بۆ کورتە فیلمی “تەرزی” بەدەستهێنا.
لە فێستیڤاڵەکەدا 29 کورتە فیلمی هەر چوار بەشى کوردستان نمایشکرا و فێستیڤاڵەکە بۆ ماوەی سێ ڕۆژ بەردەوام بوو ئەمڕۆش 12 خەڵات بەسەر بەشداربواندا دابەشکرا.
کاوان عەزیز وتەبێژی فێستیڤاڵی کورتە فیلمی کوردی سلێمانى گوتى: فێستیڤاڵەکەمان دوای سێ ڕۆژ بە سەرکەوتوویی کۆتایی هات و ناوەڕۆکى بەشێک لە فیلمە بەشداربووەکانی فێستیڤاڵەکە بریتبوو لە کوردایەتی.
دەشڵێت: لەم فێستیڤاڵەدا دەرهێنەری بەناوبانگی ژن و گەنجان هەبوون و نزیکەی 200 فیلمیش پێشکەشمان کرا، بەڵام 29 فیلم هەڵبژێردران بۆ ئەوەی لە فێستیڤاڵەکەدا نمایش بکرێن.
ڕێزە محەمەد، کە خەڵاتی باشترین ئەکتەری پێبەخشرا، ڕایگەیاند: لە فیلمی بەرگدوور ڕۆڵم بینی و خەڵاتى باشترین ئەکتەرم بەدەستهێنا، ئەم فێستیڤاڵانە گرنگن، بەتایبەت بۆ ژنان، هەروەها وەرگرتنی ئەم خەڵاتە هاندەرێکی باش دەبێت بۆ من بە مەبەستى بەردەوامبوون لە کارە هونەرییەکانم.