کەشناسیی ڕۆژهەڵاتی کوردستان و ئێران پێشبینی دەکات لە ماوەی دوو ڕۆژی داهاتوودا شەپۆلێکی هەوای سارد و بارانبارینی بەخوڕ ناوچەکە بگرێتەوە، بە جۆرێک کە پلەکانی گەرما بە تێکڕا ٩ بۆ ١٠ پلە لە پارێزگاکانی ورمێ، سنە، کرماشان و ئیلام دادەبەزن.
بەپێی ڕاگەیەندراوی کەشناسی، دابەزینی پلەکانی گەرما لە سنە ٩ پلە، لە کرماشان ١١ پلە و لە ئیلامیش ١٦ پلە دەبێت. هاوکات بەهۆی مەترسیی دروستبوونی لافاو لە ئەنجامی بارانبارینی زۆر، هۆشداری بە هاووڵاتییان دراوە کە خۆیان لە کەناری ڕووبارەکان و ناوچە هەستیارەکان بە دوور بگرن.
لە کاتێکدا پێشبینی دەکرێت ڕێژەی بارانبارینی ئەمساڵ بەراورد بە ساڵی ڕابردوو بە ڕادەیەکی بەرچاو بەرزتر ببێتەوە.