جێگری هاوسەرۆکی گشتیی دەم پارتی ڕایگەیاند کە ڕۆژی دووشەممەی داهاتوو، 14ی ئەم مانگە، شاندی ئیمراڵی سەردانی دوورگەی ئیمراڵی دەکات و لەگەڵ عەبدوڵڵا ئۆجەلان، ڕێبەری پەکەکە، کۆ دەبێتەوە.
تەیب تەمەل، جێگری هاوسەرۆکی گشتیی دەم پارتی، لە چاوپێکەوتنێکی تەلەفزیۆنیدا ئاماژەی بەوە دا کە شاندەکە لەم دیدارەدا هەنگاوەکانی پرۆسەی ئاشتی و پەرەسەندنە سیاسییەکان لەگەڵ ئۆجالان تاوتوێ دەکات.
شاندی ئیمراڵی کە لە پەروین بوڵدان، مەدحەت سنجار و فایق ئۆزگور ئەرۆڵ پێکهاتووە، پێشتر لە 2ی مانگی ڕابردوودا (تەباخ) سەردانی ئیمراڵی کردبوو و لەگەڵ ئۆجەلان کۆ بووبووەوە.