مەسعود بارزانی، سەرۆکی پارتی دیموکراتی کوردستان پێشوازی لە هەیبەت هەلبووسی، سەرۆکی ئەنجوومەنی نوێنەرانی عێراق، و شاندێکی باڵای فیدڕاڵی کرد.
لە دیدارەکەدا، سەرۆکی پەرلەمانی عێراق سەرەخۆشی و هاوخەمیی خۆی ئاراستەی بارزانی کرد بە بۆنەی کۆچی دوایی عەبدولواحید برایم شێخ عەبدولسەلام بارزانی، ئەندامی دیاری خێزانی بارزانی.
لە تەوەرێکی تری کۆبوونەوەکەدا، هەردوولا جەختیان لەسەر پابەندبوون بە بڕگە و ماددەکانی دەستووری عێراق کردەوە، و تیشکیان خستە سەر پێویستیی پشتیوانیکردنی حکومەتی بەغدا و سەرجەم دەوڵەت و دامەزراوە فیدراڵییەکان بۆ تێپەڕاندنی لەمپەر و قەیرانە ئێستاکان و پاراستنی سەقامگیریی گشتیی وڵات.