لق دووی دادگای تاوانەکانی بوکان، سزای ٢ ساڵ بەندکرانی بەەسەر ڕەحیم شیلانی و ئازاد ڕەسوولی-فەرد، دوو هاووڵاتیی خەڵکی ئەو شارەدا سەپاند.
بەگوێرەی زانیارییەکانی تۆڕی مافەکانی مرۆڤی کوردستان، ئەم دوو هاووڵاتییە کوردە بە تۆمەتی "کڕین و فرۆشتنی ئامێری پەیوەندیی سەتەلایتی ستارلینک" ئەم سزایەیان بەسەردا سەپێنراوە و لە ڕۆژانی ڕابردوودا بە فەرمی ئاگادار کراونەتەوە.
هێزەکانی وزارت ئیتلاعات ڕۆژی ٣٠ی کانوونی دووەمی ڕابردوو هەڵیانکوتاوەتە سەر ئەم دوو کەسە و لە بوکان دەستبەسەریان کردوون، پاشان بۆ لێپرسینەوە گواستوویاننەتەوە بۆ دەستبەسەرگەی ئیتلاعات لە شاری ورمێ.
ڕەحیم شیلانی و ئازاد ڕەسوولی-فەرد ماوەی ٥٢ ڕۆژ لەو دەستبەسەرگەیەدا لە مافی دەستڕگەیشتن بە پارێزەر و چاوپێکەوتنی خێزانی بێبەش کراون و لەژێر فشار و ئەشکەنجەی جەستەیی و دەروونیدا بوون.
لە ناوەڕاستی نیساندا، پاش تەواوبوونی لێپرسینەوەکان، بۆ زندانی ناوەندیی بوکان گواستراونەتەوە و τεها بە دانانی بارمتەی قورسی ٣ میلیارد تمەنی (٣٠ ملیار ڕیاڵی) بە کاتی تا کاتی دادگاییکردن ئازاد کرابوون.