ئەنجوومەنی نوێنەرانی عێراق بەرنامەی کاری دانیشتنی ژمارە (٣)ی خۆی بۆ ڕۆژی یەکشەممە، ١٩ی تەممووزی ٢٠٢٦ بڵاوکردەوە، کە تێیدا خوێندنەوەی یەکەم بۆ چوار پێشنیازەیاسا و پڕۆژەیاسا دەکرێت و دانیشتنەکەش کاتژمێر ١:٠٠ی دوانیوەڕۆ دەستپێدەکات.
بەگوێرەی بەرنامەی کارەکە، دانیشتنەکە دوای خوێندنەوەی ئایەتەکانی قورئانی پیرۆز، ئەم تهوەرانە لەخۆدەگرێت:
یەکەم: خوێندنەوەی یەکەم بۆ پێشنیازی یاسای هەموارکردنی دووەمی یاسای خاوەندارێتی (الملاک) ژمارە (٢٥)ی ساڵی ١٩٦٠ (لیژنەی یاسایی - پێکهاتووە لە ٢ ماددە).
دووەم: خوێندنەوەی یەکەم بۆ پێشنیازی یاسای هەموارکردنی سێیەمی یاسای سەندیکای مافپەروەران (اتحاد الحقوقيين) ژمارە (١٣٧)ی ساڵی ١٩٨١ (لیژنەی یاسایی - پێکهاتووە لە ٢٨ ماددە).
سێیەم: خوێندنەوەی یەکەم بۆ پێشنیازی یاسای هەموارکردنی دووەمی یاسای سەندیکای کیمیاگەران (نقابة الكيميائيين) ژمارە (٤٣)ی ساڵی ١٩٧٠ (لیژنەی کار و ڕێکخراوەکانی کۆمەڵگەی مەدەنی، ئەنجوومەنی ڕاژەی فیدراڵی، لاوان و وەرزش - پێکهاتووە لە ١٨ ماددە).
چوارەم: خوێندنەوەی یەکەم بۆ پڕۆژەیاسای هەموارکردنی یەکەمی یاسای دیوانی وەقفی سوننی ژمارە (٥٦)ی ساڵی ٢٠١٢ (لیژنەی هەرێمەکان و ئەو پارێزگایانەی لە چوارچێوەی هەرێمێکدا ڕێکنەخراون، پلاندانان و بەرنامەی حکومی، ئەوقاف و ڕۆشنبیری و گەشتوگوزار - پێکهاتووە لە ٧ ماددە).
پێنجەم: گفتوگۆی گشتی (مناقشات عامة).