- لە کۆنگرەیەکی ڕۆژنامەوانیدا، جەلال شێخ نوری، سەرپەرشتیاری ئیدارەی گەرمیان، دەستپێکردنەوەی کارەکانی پرۆژەی ڕێگای ساڵەح ئاغای ڕاگەیاند، دوای ئەوەی بۆ ماوەی نزیکەی دوو ساڵ کارکردن تێیدا وەستابوو.
ڕێگای ساڵەح ئاغا یەکێکە لە ڕێگا گرنگ و ستراتیژییەکانی ناوچەکە کە گەرمیان بە ناوچەکانی خوارووی عێراقەوە دەبەستێتەوە و ڕێگای سەرەکیی هاتوچۆکردنی مەرزی نێودەوڵەتیی پەروێزخانەشە؛ درێژییەکەی نزیکەی چوار کیلۆمەترە و بە دوو ئاراستە جێبەجێ دەکرێت کە پانیی هەر ئاراستەیەک 12 مەترە.