سەرچاوەیەکی باڵا بۆ نووچە تیڤی پشتڕاستیکردەوە، بڕیارە سبەی نێچیرڤان بارزانی سەرۆکی هەرێمی کوردستان سەردانی دیمەشقی پایتەختی سوریا بکات و لەگەڵ ئەحمەد شەرع، سەرۆکی قۆناغی ڕاگوزەری ئەو وڵاتە کۆببێتەوە.
بە گوێرەی زانیارییەکانی میدیاکانی ڕۆژئاوای کوردستان، لە کۆبوونەوەی نێوان نێچیرڤان بارزانی و ئەحمەد شەرعدا، گفتوگۆی چڕ لەبارەی پەرەپێدانی پەیوەندییە دووقۆڵییەکانی نێوان هەولێر و دیمەشق و بەهێزکردنی هەماهەنگییە هاوبەشەکان دەکرێت.
میدیاکانی ڕۆژئاوا ئەوەشیان ئاشکرا کردووە، تەوەرێکی دیکەی سەرەکیی دانوستاندنەکانی هەردوولا تایبەت دەبێت بە تاوتوێکردنی بەندەکانی ڕێککەوتنی 29ی کانوونی دووەم، لەگەڵ تاوتوێکردنی هەنگاو و ڕێوشوێنە کردارییەکانی یەکخستنی هێزەکانی سوریای دیموکرات (هەسەدە) لە چوارچێوەی سوپا و حکومەتی سوریادا.
نێچیرڤان بارزانی سەردانی دیمەشق دەکات و لەگەڵ ئەحمەد شەرع کۆدەبێتەوە
