- ئامانج ڕەحیم، سکرتێری ئەنجومەنی وەزیرانی هەرێمی کوردستان، ڕایگەیاند کە هەرێمی کوردستان تەواوی پابەندییە دەستووری و داراییەکانی بەرامبەر بە بەغدا جێبەجێکردووە، لەوانەش پرۆسەی بەبانکیکردنی مووچە، ناردنی مانگانەی لیستی مووچەخۆران بۆ وردبینی، و ناردنی تەرازوی پێداچوونەوە و وردبینیی دیوانی چاودێریی دارایی.
ناوبراو لە پەیامێکدا ئاماژەی بەوە دا کە بەپێی ماددەی 94ی دەستوور، بڕیارەکانی دادگای باڵای فیدڕاڵی (ژمارە 224) بۆ سەرجەم دەسەڵاتەکان پابەندکارن و دەبێت وەک خۆیان لە یاسای بودجەی 2027دا جێگیر بکرێن.
جەختیشی کردەوە کە شایستە داراییەکانی مووچەخۆرانی هەرێم مافێکی یاسایی و مرۆیین و دەبێت مەرجە ناڕەواکان کۆتاییان پێ بێت و دادپەروەری پەیڕەو بکرێ