ئەمڕۆ دووشەممە، کابینەی حکومەتی تورکیا بە سەرۆکایەتی ڕەجەب تەیب ئەردۆغان، سەرۆککۆماری وڵاتەکە، لە کۆشکی سەرۆکایەتی لە ئەنقەرە کۆبوونەوەی خۆی ئەنجام دەدات.
بەپێی زانیارییە میدیاییەکان، کۆبوونەوەکە پاشنیوەڕۆی ئەمڕۆ بەڕێوە دەچێت و چەندین پرسی هەستیاری ناوخۆیی و هەرێمی لەخۆ دەگرێت. لە تەوەرە سەرەکییەکانی ناو کۆبوونەوەکە، تاوتوێکردنی شێوازی بەڕێوەچونی پرۆسەی ئاشتی و هەڵسەنگاندن بۆ کارەکانی چوار لێژنە لاوەکییەکەی تایبەت بە یاسای چوارچێوە دەبێت.
هاوکات، پەرەسەندنە سیاسی و سەربازییەکانی جەنگی نێوان ئێران و ئەمریکا، لەگەڵ دۆخ و گەشەسەندنە ئابورییەکان، تەوەرێکی تری گرنگی کۆبوونەوەکەی ئەمڕۆی کابینەی تورکیا پێکهالێنن، کە تێیدا هەڵسەنگاندن بۆ کاریگەرییە ڕاستەوخۆ و ناڕاستەوخۆکانی ئەو دۆخە لەسەر ناوچەکە و ئابووری تورکیا دەکرێت.
شایەنی باسە، ئەمە یەکەم کۆبوونەوەی کابینەی حکومەتی تورکیایە پاش ئەوەی کۆتا کۆبوونەوەیان لە مانگی حەوتی ئەمساڵدا ئەنجامدرابوو.