ئیلهام ئەحمەد ڕایگەیاند، گۆڕانکاریی گرنگ لە ناوچەکەدا دروستبووە و قۆناغێکی نوێ دەستیپێکردووە کە لە سەردەمی شەڕ قورستر دەبێت و ئێستا کاتی بونیادنانی دادپەروەری، ئاشتی و دیموکراسییە.
دوێنێ ئێوارە، مەزڵوم عەبدی، ڕاوێژکاری سەرۆککۆماری سوریا، و ئیلهام ئەحمەد، سەردانی مەزارگەی شەهید دەلیل سارۆخانیان لە شاری قامیشلۆی ڕۆژاڤای کوردستان کرد.
لەمیانەی ئەو سەردانەدا، ئیلهام ئەحمەد وتارێکی پێشکەش کرد و ئاماژەی بەوە دا که لەماوەیەکی کورتدا گۆڕانکاریی گەورە لە ناوچەکەدا هاتووەتە ئاراوە و دۆخەکە چووەتە قۆناغێکی نوێوە. جەختیشی لەوە کردەوە که ئەم قۆناغە نوێیە لە سەردەمی شەڕ و پێکدانان قورستر و هەستیارتر دەبێت.
هاوسەرۆکی پەیوەندییەکانی دەرەوەی ئیدارەی خۆسەر ئەوەشی خستە ڕوو که ئێستا قۆناغی بونیادنانی دادپەروەری، ئاشتی و دیموکراسییە، و لە کۆتایی وتەکەیدا پێداگریی خۆی بۆ بەردەوامبوون لەسەر ڕێگای شەهیدان و بەدیهێنانی ئاواتەکانیان دووپاتکردەوە.